கேள் ஜென்மித்த ராயர்க்கே
கேள் ஜென்மித்த ராயர்க்கே ”* என்ற பாடல் . மற்றெந்த பாடல்களையும்விட
கடந்து சென்ற ஆண்டில் எவ்வளவுதான் சோர்வைச் சந்தித்திருந் தாலும் , *“ மண்ணோர் யாரும் எழுந்து , விண்ணோர் போல் கெம்பீரித்து ”* என்ற வரிகளைப் பாடும்போது உலகெங்குமுள்ள மக்களுக்குக் கிறிஸ்துமஸ் பண்டிகை உணர்வையும் உத்வேகத்தையும் அளிக்கிறது .
சோர்ந்து போயிருக்கின்ற ' உள்ளங்களுக்கு உற்சாகத்தை ஊட்டி , ' கிறிஸ்து பிறந்து விட்டார் என்ற உலகிற்கு ' மிகவும் தேவைப்படுகின்ற நற்செய்தியை ' மகிழ்ச்சியுடன் இப்பாடல் உவந்தளிக்கிறது .
இப்பாடல் இருநூறு ஆண்டுகளுக்கு மேலாக விசுவாசிகளை உற்சாகப்படுத்திக் கொண்டேயிருக்கின்றது .
இப்பாடலை எழுதிய சார்லஸ் வெஸ்லி , இப்பாடல் வாயிலாக கிறிஸ்து பிறப்பை விரிவாக மக்களுக்கு எடுத்துரைக்கின்றார் .
இப்பாடலின் வழியாக , கிறிஸ்து பிறப்பைப் பற்றி கூறுவதோடு மட்டுமல்லாது .
கிறிஸ்துமஸ் பண்டிகை உணர்வையும் நம்மில் தூண்டி எழுப்புகின்றார் .
தன்னுடைய வாழ்நாள் முழுவதிலும் 6000 க்கும் அதிகமான பாடல்களை எழுதியுள்ளார் சார்லஸ் வெஸ்லி , *“ கேள் ஜென்மித்த ராயர்க்கே ”* என்ற வெற்றிப் பாடலை எழுதிய இதே ஆசிரியர் தான் *“ இன்று கிறிஸ்து எழுந்தார் என்ற உயிர்த்தெழுந்த பண்டிகை '* பாடலையும் எழுதியுள்ளார் . *“ எந்தன் ஆத்ம நேசரே ”* என்று அனைவராலும் ' பாடப்படுகின்ற பாடலையும் சார்லஸ் வெஸ்லி எழுதியுள்ளார் .
திருச்சபையில் அதிகமாகப் பாடப்படும் பாடல்களில் இதுவும் ஒன்றாகும் .
தான் மனந்திரும்பிய ஓராண்டிற் குள்ளாகவே *“ கேள் ஜென்மித்த ராயர்கே ”* பாடலை சார்லஸ் வெஸ்லி எழுதியதாக பாரம்பரியம் கூறுகின்றது .
கர்த்தருடன் பாவி ஒப்புரவாதல் என்ற கருத்தை உள்ளடக்கிய *“ மீட்பராக வந்தவர் , ஒளி ஜீவன் தந்தவர் ”* என்ற வரிகள் சார்லஸின் மனமாற்றத்தைப் பிரதிபலிக்கிறது .
*“ சாவை வெல்லப்பிறந்தீர், மறுஜென்மம் அளித்தீர்* என்ற வரிகள் மூலமாக இரட்சகரின் வருகையை விவரிக்கின்றார் .
முதல் சரணத்தில் , “ *மண்ணோர் யாரும் எழுந்து , விண்ணோர் போல் கெம்பீரித்து , பெத்லகேமில் கூடுங்கள் ' '* என்று கர்த்தரின் பிறப்பைக் கொண்டாட மக்களை அழைக்கிறார் .
அடுத்த இரு சரணங்களிலும் கன்னியிடம் பிறப்பு மற்றும் உலக மக்களுக்காக அருள் அவதாரம் எடுத்த கர்த்தராகிய கிறிஸ்து என்ற செய்தி கூறப்பட்டுள்ள .
இயேசு கிறிஸ்துவின் வழியாக கர்த்தர் நிறைவேற்றிய செயல்கள் மிகவும் அழகாக , வரிசையாக கூறப்பட்டுள்ளன .
நாடுகளிலுள்ள மக்கள் எல்லோரும் கிறிஸ்து பிறந்தார் என்பதை அறிவிக்கும் இப்பாடலைப் பாட வேண்டு மென்று அழைக்கின்றார் .
கிறிஸ்துமஸ் காலத்தின் மறக்கமுடியாத அம்சம் என்னவெனில் , கிறிஸ்துமஸ் கீத பவனியாகும் .
ராஜாதி ராஜாவாகிய கிறிஸ்து குழந்தையாக மாட்டு முன்னணையில் பிறந்துள்ளார் என்ற செய்தியை விளக்கும் பாடல்களை நாம் கேட்கும் போது நம்மையுமறியாமலேயே நாம் நின்று , அப்பாடல்களை உன்னிப்பாகக் கவனித்து பேருவகை கொள்கிறோம் .
இப்பாடல்கள் நமக்காகவே எழுதப்பட்டுள்ளன என்பதை நாம் நினைவில் கொள்ள வேண்டும் .
நமது நாட்டு மக்களின் மீட்புக்காக *பணித்தளங்களில் நம்பிக்கையின் செய்தியைக் கொடுத்து வருகின்ற நமது மிஷனெரிகளையும் நமது ஜெபங்களில் நினைவு கூருவோம்.*
- டேவிட் பென்னி
No comments:
Post a Comment