தீச் சட்டியும் பண்டாரமும்
கடையனோடை திருச்சபையின் வரலாற்று உண்மை சம்பவம்
கடையனோடைத் தெருக்களிலொன்றில் ஒரு கூட்டம் வீடு வீடாய்ச் சென்றது அந்தப் பெப்ருவரி மாதத்தின் ஒரு பிற்பகலில ( 1864 ). கூட்டத்தின் முன் ஒரு பண்டாரம்.
காவி வஸ்திரம் ; நெற்றியிலும் மார்பிலும் புஜங்களிலும் திருநீறு ; தலையில் சடைபிடித்து , எண்ணைச் சிக்குப் பிடித்தது போன்ற கேசம் ; காலில் மரக்கட்டைச் செருப்பு ; கையில் தூக்கிப்பிடித்த ஒரு தீச்சட்டி ; அதிலிருந் தெழும்பும் புகை.
அவனைச் சுற்றி மேளக்காரரும் வாத்தியக் காரரும் . சிறுவரும் பெரியவர்களுமாக அவனைப் பின் தொடர்ந்த கூட்டத்தினர் அவனை ஆச்சரியத்துடனும் பயத்துடனும் பார்த்துக்கொண்டிருக்க , வீட்டினுள்ளிருந்து வந்த ஒருவர் , கிட்டிய அவனுடைய ஒரு கையில் , ஏதோ ஒரு நாணயத்தைப் பயபக்தியுடன் வைத்தார்.
வாங்கிக் கொண்ட அவன் , மேளவாத்தியக்காரர் இசை யுடன் புடைசூழ , அடுத்த வீட்டுக்குச் சென்றான்.
கூட்டம் பின்தொடர்ந்தது. வீட்டின் முன் நின்று அவன் உரத்த சத்தமாய் , *வீரவசந்தராயர் வந்துகொண்டிருக்கிறார்.*
தாழ்ந்த சாதிக்காரரையெல்லாம் , அதிலும் *கிறிஸ்தவர்களை யெல்லாம்,* அவர் அழித்தொழிப்பார்.
அவர்களுடைய *தேவாலயங்க ளெல்லாவற்றையும் தரைமட்டமாக்குவார்.* என்று ஜோ சி ய ம் கூறினான் .
கூட்டத்தினர் , அச்சம் கலந்த நோக்குடன் , ஒருவரையொருவர் பார்த்துக் கொண்டார்கள்.
வீட்டுக் கதவு திறந்தது . முதியவர்ளொருத்தி வெளிப்பட்டு நீட்டப்பட்ட அவனுடைய கரத்தில் காணிக்கை வைத்தாள் , வாங்கிக் கொண்ட அவன் மேள வாத்தியத்துடன் அடுத்த வீட்டுக்குச் சென்று அதே வார்த்தைகளைச் சொல்ல , அங்கும் அவனுக்குப் பணம் கிடைத்தது. இவ்வாறே வீடுதோறும் , தெருக்கள் தோறும் சுற்றிக் , காசு பெற்றான்.
கடையனோடை நாடார் குலத்தினரனைவரும் கிறிஸ்தவர்களே யெனினும்,
தீச்சட்டியைக் கையிலேந்தினபோதிலும் அது அவனைச் சுடவில்லை . அவனுக்குத் தீங்கொன்றும் ஏற்படவில்லை.
ஆகையினால் , அவனிடத்தில் ஏதோ தெய்வீகச் சக்தியிருக்கிறது ! , அவன் சபித்து விட்டால் துன்பம் வரும் ' என்றெண்ணி , அஞ்சி , அவனுக்குக் காணிக்கை கொடுத்தனுப்பினர்களே யன்றி , வேறு காரணமெதற்காகவுமல்ல . சேகரித்த பணத்துடன் மந்தை வெளிக்கு அவன் வந்தான்.
கூட்டமும் பின் தொடர்ந்தது . உபதேசியாரும் அங்கு வந்து சேர்ந்தார்.
பண்டாரமும் அவனது சகாக்களும் வீரவசந்தராயரின் வீரப் பிரதாபங்களை அளந்து கொண்டிருந்தனர்.
கடையனோடைச் சபை வாலிபனொருவன் மற்றவர்களை விடச் சற்று வித்தியாசமானவன். புத்திசாலி . *எக்காரியத் தையும் துருவி அறிய ஆசைப்படுபவன்.*
இந்தத் தீச்சட்டி பண்டாரத்தின் கையைச் சுடவில்லை . அது ஏன் ? வேறு யாராவது அதைக் கையிலேந்தினால் சுட்டுவிடுமோ ? அதை வாங்கிக் கையில் வைத்துத்தான் பார்ப்போமே ! சுட்டு விட்டால் ? . . . சுட்டால் சுட்டும் . கீழே போட்டு விடலாம் ' ' இப்படி யெண்ணினவன் திடீரென்று , பண்டாரம் கவனியா திருந்தபொழுது இரு கைகளாலும் அவன் கையிலிருந்த சட்டியைத் தூக்கித் , தன் வலது உள்ளங்கையில் வைத்து ஏந்தித் , தூக்கினான் .
ஆ , ஆச்சரியம் ! சட்டி சுட வேயில்லை ! திடுக்கிட்ட பண்டாரம் நடந்ததைக் கண்டு விக்கித்துப் போனான்.
கூட்டம் ஆச்சரியத்தால் வாயைப் பிளந்து நின்றது.
அந்த வாலிபன் சிரித்துக்கொண்டு, சட்டி சுடவில்லையடா ! . . . என் கையைச் சுடவேயில்லையென்று கத்தினான்.
உபதேசியார் அவன் கையிலிருந்து சட்டியை வாங்கினார் . உடனே பண்டாரம், அதை என்ன தும் செஞ்சியோ , சாமி சும்மா விடாது . அடிச்சிப்பூடும்.
*ரெத்தங் கக்கிச் சாவ . பேதிலே போவ. குடுத்திடு , எங்கிட்டக் குடுத்திடு* என்று ஆவேசம் கொண்டவன் போல் கதறி , வாயில் வந்த வசை மொழிகளையெல்லாம் வீசினான் உபதேசியார் அதைச் சட்டைபண்ணவில்லை.
அவர் அச்சட்டியைத் தூக்கிப்பிடித்து, எல்லாரும் பார்த்துக்கொண்டு இருக்க அதைத் தலை கீழாகக் கவிழ்த்தார்.
நெருப்புக்கங்குகள் விழுந்து சி த றி ன , அவற்றின் மேல் தொப் . . . . ! அதென்ன ? ஒரு கட்டி ஈரக்களிமண் ! ! அரைச் சட்டியளவான களி . பண்டாரம் , தனக்குத் ' தாகமாயிருக்கிறது தண்ணீர் தாருங்கள் என்று கேட்க , ஒருவன ஒரு செம்பு நிறையத் தண்ணீர் கொடுத்தான்.
அதைப் பெற றுக்கொண்ட பண்டாரம் உடனே அதை அக்களிமண் மேல் ஊற்றினான் . அ தி னா ல் தான் அது ஈரமாயிற்று என்று ஏமாற்றுவது அவனது நோ க் க ம்.
ஆனால் அவ்வளவு மந்தப் புத்தியுள்ளவர்களல்ல அம் மக்கள் : தெருவில் தாங்கள் ஏமாந்து அவனுக்குப் பணம் கொடுத்து விட்டதை நினைத்துக்கொண்ட அவர்கள் , அவனிடம் , ' கொடுத்த பணத்தைத் திருப்பித்தா ' வென்று கேட்க வாரம்பித்தனர்.
அவ்வளவுதான் , பண்டாரம் தலை தெறிக்க ஓட்டமெடுத்தான் ! வாத்தியக்காரர் அ வ ன் பின்னால் ஓடினர்.
ஊரார் ஊரெல்லைவரை அவர்களை துரத்திவிட்டுத் திரும்பினார்கள் . அது முதல் கடையனோடைச் சபையாரை எவரும் அவ்வாறு ஏமாற்றத் துணிந்ததில்லை ! . . . . . . . . . . முடியுமா . . . ?
------------------------------------------------------------
👉🏻 *திசை தெரியாமல் திகைக்காதிருக்க திருச்சபை வரலாறு தெரிய வேண்டும்.*
👉🏻 *திசை தெரியாமல் திகைக்காதிருக்க திருச்சபை வரலாறு தெரிய வேண்டும்.*
📜வரலாற்று புத்தகத்திலிருந்து திரட்டியது ...
🙋🏻♂ *மன்னா செல்வகுமார்*
------------------------------------------------------------
------------------------------------------------------------
No comments:
Post a Comment