மிஷனரி வில்லியம் கெளடி

மிஷனரி வில்லியம் கெளடி பிறந்த தினம்*

மே 06

இறைப்பற்றுமிக்க அன்னையின் அரவணைப்பில் அற்புதமாக வளர்ந்தவர்.

தந்தை ஒரு இறைபணியாளர்.

1882ம் ஆண்டு இந்தியாவிற்கு மிஷனெரியாக வந்தார்.

சென்னையில் ஜார்ஜ் டவுன் மற்றும் புனித தாமஸ் மலையின் வெஸ்லி சபைகளில் பணிபுரிந்தார் . 1883ம் ஆண்டு திருவள்ளூர் பகுதியில் தன் ஊழியத்தை ஆரம்பித்தார் . ஏழைகளின் மீது பரிவு கொண்டு தீண்டத்தகாதவர்களாகக் கருதப்பட்ட தலித் மக்கள் மீது பாசம் கொண்டார்.

தாழ்த்தப்பட்ட மக்கள் மத்தியில் சுவிசேஷம் சொன்னபோது உயர்ஜாதி மக்கள் கற்களையும் , நாற்றமடிக்கும் சேற்றையும் அவர்மீது அள்ளி வீசினர்.

கல்லெறிந்த மக்களைப் பார்த்து , *நீங்கள் என்மீது கல்மழை பொழிந்தீர்கள் ஆனால் ஆண்டவர் உங்களுக்கு அரிசி மழையை பொழிவார்* என்று அவர்களை ஆசீர்வதித்தார்.

அப்போது அப்பகுதி மிகுந்த பஞ்சத்தால் பாதிக்கப்பட்டிருந்தது குறிப்பிடத்தக்கது.

நிலப்பிரபுக்களால் அடிமைப்படுத்தப்பட்டிருந்த ஏழை மக்களை விடுவித்தார்.

அவர்களின் நிலங்களை அவர்களுக்கே திரும்ப கிடைக்கும்படி செய்தார்.

ஆண்களுக்கு தனியாகவும் , பெண்களுக்கு தனியாகவும் பள்ளிகளை ஏற்படுத்தினார்.

விடுதிகளும் ஏற்படுத்தப்பட்டது.

ஈக்காடு என்ற கிராமம் கௌடியால் செழிப்பைப் பெற்றது.

கடும் பிரயாசத்தின் பலனாக ஈக்காட்டில்வெஸ்லி ஆலயத்தையும் கட்டினார்.

முதல் உலகப்போரில் தன் மகன்கள் இருவரை இழக்கக் கொடுத்தும் , சோர்ந்து போகாமல் தன் கடைசி மூச்சுவரை இந்தியர்களுக்காகவே வாழ்ந்த கெளடி உலகிற்கு ஓர் வரப்பிரசாதம்.

------------------------------------------------------------
👉🏻 *திசை தெரியாமல் திகைக்காதிருக்க திருச்சபை வரலாறு தெரிய வேண்டும்.*

📜வரலாற்று புத்தகத்திலிருந்து திரட்டியது ...

🙋🏻‍♂ *Manna Selvakumar*
📧mannaselvakumar@gmail.com
------------------------------------------------------------