பாவ சஞ்சலத்தை நீக்க

பாவ சஞ்சலத்தை நீக்க (What a friend we have)
பாடல் ஜோசப் ஸ்கிரீவன்
ராகம் சார்லஸ் கான்வர்ஸ்
சங்கீதம் 55:22, 1பேதுரு 5:7
இப்பாடலை எழுதிய ஜோசப் கர்பகிரீவன் , 1819 - ம் ஆண்டு , அயர்லாந்தில் சீப்பாட்ரிக் என்னும் இடத்தில் பிறந்தார் .
தனது இளமைக் கல்வியைப் பிறந்த ஊராரிலேயே முடித்து , பின்னர் டப்ளின் நகரின் திரித்துவக் கல்லுரியில் பட்டம் பெற்றார் .
படிப்பை முடித்தவுடன் அவருக்குத் திருமணம் நிச்சயிக்கப்பட்டது .
மண நாளுக்கு முன்தினம் , மணப்பெண் குதிரையில் ஏறி , ஒரு ஆற்றைக் கடக்க முயன்றபோது , தவறி விழுந்து , ஆற்று நீரில் மூழ்கி , உயிரிழந்தாள் .
இதை ஆற்றின் மறுகரையில் நின்று பார்த்துக்கொண்டு உதவி செய்யக் கூடாமல் திகைத்து நின்ற ஸ்கிரீவன் , மிகவும் வேதனைப்பட்டார் .
அதினால் , அவரது மனநிலையும் பாதிக்கப்பட்டது .
இந்த துயர நிகழ்ச்சியை மறக்க , 1845 - ம் ஆண்டு , தமது 25 - ம் வயதில் கனடாவுக்குச் சென்றார் .
அங்கு , *" நம்பிக்கைத் துறைமுகம் "* என்ற ஊரில் , ஆசிரியராகப் பணியாற்றினார் .
மனநிலை பாதிக்கப்பட்ட நிலையிலும் , ஸ்கிரீவன் தெய்வபக்தி நிறைந்தவராகவும் , பிறருக்காக வாழ்பவராகவும் விளங்கினார் .
தன்னிடமிருந்த பணம் , பொருள் அனைத்தையும் , ஏழை எளியவர் , மற்றும் அனாதைகளுக்கென்றேசெலவு செய்தார் , மூடிப் பிரசங்கியாரின் பிரபல நற்செய்திப் பாடகரான சாங்கி , ஸ்கிரீவனைப் பற்றி இவ்வாறு கூறுகின்றார் : ' ' ஸ்கிரீவன் ஒருமுறை , தாம் வாழ்ந்த ஊராகிய நம்பிக்கைத் துறைமுகத்தின் சாலையில் , மர ரம்பத்துடன் சென்று கொண்டிருந்தார் .
அமைதியாக , கருமமே கண்ணாகச் சென்ற ஸ்கிரீவனைப் பார்த்த ஒருவர் , தன் வேலையைச் செய்ய , அவரை வாடகைக் கூலிக்கு அமர்த்த எண்ணி , அழைத்தார் .
ஆனால் , அருகே நின்றவர் அவரைப் பார்த்து , " அந்த மனிதனை நீர் வேலைக்கு அமர்த்த முடியாது . பணம் கொடுக்க முடியாத ஏழை விதவைகளுக்கும் , நோயுற்றவர்களுக்கும் மட்டுமே , அவர் இலவசமாக மரம் அறுத்துக் கொடுப்பார் " என்றார்.
ஸ்கிரீவன் *ப்ளைமவுத் சகோதரர்* சீர்திருத்த என்ற சபையில் சேர்ந்தார் .
அச்சமயம் ஒரு பெண்ணை மணக்க விரும்பினார் .
மண நாளும் குறிக்கப்பட்ட திருமணத்திற்கு முன் , அந்த சபையில் சேர விரும்பிய அவளுக்கு , ஒரு ஏரியில் ஞானஸ்நானம் கொடுத்தனர் தண்ணீர் மிகவும் குளிர்ந்திருந்ததால் , ஜலதோஷம் பிடித்து , அதைத் தொடர்ந்து அதிக காய்ச்சல் வந்தார் .
அவள் மரித்துப் போனாள் . இந்தத் திருமணத்தின் மூலமாவது , தன் மகன் சந்தோஷ வாழ்வு பெறுவான் , என்று நம்பியிருந்த ஸ்கிரீவனின் தாயார் , தாங்க முடியாத துயரத்திற்குள்ளானார் .
தன்னுடைய வேதனையின் மத்தியிலும் , பிறர் நலன் கருதும் ஸ் கிரீவன் , அயர்லாந்தில் , தனிமையில் , தன்னை எண்ணி வருந்தும் தன் தாயாரை ஆறுதல்படுத்த , 1855 - ம் ஆண்டு , இந்த அருமையான பாடலை எழுதினார் .
இ ப் பா ட லு க் கு , ஸ்கிரீவன் கொடுத்த தலைப்பு , *" இடைவிடாமல் ஜெபம் பண்ணுங்கள் "* , என்பதே .
அவரைப் பராமரிக்க வந்த நண்பர் , இப்பாடலின் கைப்பிரதியைப் பார்த்தார் . அதை வாசித்து , மனம் நெகிழ்ந் த வராக , ஆச்சரியத்துடன் , " இப்பாடலை இயற்றியது யார் ? " என்று வினவினார் .
அதற்கு ஸ்கிரீவன் , " ஆறுதல் அளிக்கும் தேவன் " " ஆண்டவரும் நானும் சேர்ந்தே இயற்றினோம் " . என்று தாழ்மையாகப் பதிலளித்தார் .
இவ்வாறு மனோவியாதியால் பாதிக்கப்பட்ட ஒரு மனிதனால் எழுதப்பட்ட இப்பாடல் , சாங்கியின் முதல் - நற்செய்திப் பாடல் தொகுப்பில் இடம் பெற்று , உலகெங்கும் பல உயிர் மீட்சிக் கூட்டங்களிலும் , ஜெபக்கூட்டங்களிலும் , இன்றும் பாடப்பட்டு வருகிறது .
படிப்பறிவில்லாத பாமர மக்களும் , எளிதில் புரிந்து கொள்ளும் அமைப்புக் கொண்ட இப்பாடல் , உலகிலுள்ள 4 , 00 , 000 கிறிஸ்தவப் பாடல்களில் , மிகவும் விரும்பிப் பாடப்படும் பாடலெனப் புகழ்பெற்றது .
மிஷனெரிகள் தங்கள் பணித்தளங்களில் , புது விசுவாசிகளுக்குச் சொல்லிக் கொடுக்கும் முன்னோடிப் பாடலாகவும் இது விளங்குகிறது .
இப்பாடலுக்கு , ஜெர்மனியில் சங்கீதப் பயிற்சி பெற்று , பென்சில்வேனியாவிலுள்ள ஈரி என்ற ஊரில் வாழ்ந்த வழக்கறிஞரான சார்லஸ் கான்வர்ஸ் , அருமையான ராகம் அமைத்துக் கொடுத்தார் .
அதை இயற்றிய ஸ்கிரீவனோ , தன் வாழ்வின் கடைசி நாட்களை சுகவீனம் , வறுமை , மற்றும் மனவியாகுலத்துடன் கழித்தார் .
இறுதியில் , 1886 - ம் ஆண்டு , தமது 66 - வது வயதில் , *" நைஸ்லேக் "* என்னும் ஊரில் , ஒரு சிற்றாற்றில் தவறி விழுந்து , மூழ்கி மரித்தார் .
மனோவியாதியுற்ற ஒரு நோயாளியின் மூலம் , கர்த்தர் உலகெங்குமுள்ள மக்களுக்கு ஆறுதல் தரும் பாடலை அளித்தாரென்றால் , தாலந்து படைத்தவர்களை பயன்படுத்துவது எளிதான காரியம்.
பாடல்
பாவ சஞ்சலத்தை நீக்க
1. பாவ சஞ்சலத்தை நீக்க
பிராண நண்பர்தான் உண்டே!
பாவ பாரம் தீர்ந்து போக
மீட்பர் பாதம் தஞ்சமே;
சால துக்க துன்பத்தாலே
நெஞ்சம் நொந்து சோருங்கால்,
துன்பம் இன்பமாக மாறும்
ஊக்கமான ஜெபத்தால்.
2. கஷ்ட நஷ்டம் உண்டானாலும்
இயேசுவண்டை சேருவோம்;
மோச நாசம் நேரிட்டாலும்
ஜெப தூபம் காட்டுவோம்;
நீக்குவாரே நெஞ்சின் நோவை
பெலவீனம் தாங்குவார்;
நீக்குவாரே மனச் சோர்பை,
தீய குணம் மாற்றுவார்.
3. பெலவீனமான போதும்
கிருபாசனமுண்டே;
பந்து ஜனம் சாகும் போதும்
புகலிடம் இதுவே;
ஒப்பில்லாத பிராண நேசா!
உம்மை நம்பி நேசிப்போம்;
அளவற்ற அருள் நாதா!
உம்மை நோக்கிக் கெஞ்சுவோம்.