Tinnevelly Christian Historical Society

S . P . C . K . சபைகள் S . P . G . மிஷனுக்கு மாற்றப்படுதல்*

1822 முதல் 1829 வரையுள்ள ஏழு வருடங்களில் மிஷனெரி ஊழியங்களில் ஒரு மாறுதல் உண்டாயிற்று.

S . P . C . K பொதுக்குழு 1825 ஆம் வருடம் 7 ஆம் நாள் கூடி , அதுவரை S . P . C K ஏற்படுத்தியிருந்த ஊழிய ஸ்தலங்களைக் கவனித்துக்கொள்ள இயலாதென்று எண்ணியதால் , அதன் தென்னிந்திய மிஷனை , கிழக்குத் திருநெல்வேலி பகுதியில் கிறிஸ்தவ ஊழியம் செய்வதற்கு ஸ்தாபிக்கப்பட்டிருந்த புரோட்டஸ்டன்ட் S . P . G ( Society for the Propagation of the Gospel ) மிஷனுக்கு மாற்றம் செய்யப்பட்ட சபைகளாக ஒப்படைக்கத் தீர்மானித்தது.

அதனால் அச்சபைகள் S . P . G . ன் பராமரிப்பில் செல்ல இருந்தன .

இந்த மாற்றம் செய்வதற்குக் கொள்கையளவில் 1825 ல் முடிவு செய்யப்பட்டிருந்த போதிலும் அது நடைபெறுவதற்குச் சில காலம் சென்றது .

1826 ம் வருடத்தில் S . P . C . K சங்கத்தார் தங்கள் தென் பகுதிகளில் நடந்த மிஷனெரி ஊழியங்களை S P G சங்கதாரிடம் ஒப்படைத்தனர்.

அவ்வருடம் முதல் தஞ்சாவூர் , தரங்கம்பாடி , திருநெல்வேலி முதலான இடங்களில் கிறிஸ்தவ அபிவிருத்தி ( S . P . C . K ) சங்கத்தார் விசாரித்துவந்த சபைகள் - விசேஷ பிரபல ( S . P . G ) மிஷனைச் சேர்ந்து " S . P G சபைகளாக மாறின.

1826 ஆம் வருடம் மே மாதம் 15 ஆம் நாள் S . P . G ன் சென்னைக் குழு உருவாக்கப்பட்டது .

அதன் செயலர் Rev . Wm . ராய் Rev . Wm . Roy ) , கோல . ப் ( Rev . Kohlhot ) ஐயரிடமும் , ஹொட்ரோ ஐயரிடமும் தஞ்சாவூரில் வைத்து , திருநெல்வேலி மிஷனைப் பற்றி ஆலோசனைக் கேட்டார்.

அதற்கு அவர்கள் இருவரும் இச்சங்கத்தார் தாங்கள் S . P . C . K . சபைகளை ஏற்றுக்கொண்டவுடன் தாங்களே மிஷனெரிமாரை அனுப்பக் கூடாமலிருந்தமையால் , ஒரு மிஷனெரியை அனுப்புவதுவரை திருநெல்வேலி மிஷனை தஞ்சாவூர் மிஷனின் விசாரிப்பில் விடுவது நல்லது என்றனர் .

அதனால் Rev . Wm . ராய் திருநெல்வேலிச் சபைகளை முன்னிருந்தபடியே அருகிலிருந்த C . M . S . மிஷனெரிகளான ரேனியஸ் மற்றும் ஸ்மிட் ஆகியோரிடம் ஒப்படைத்தார்.

*C , M . S . மற்றும் S . P . G சபையாருக்கு இடையே அடிக்கடி எல்லைத் தகராறு இருந்துவந்தது.*

அவைகளை ரேனியஸ் ஐயரும் அவருக்குப் பின்ரோசன்ஐயரும் சுமூகமாய்த்தீர்த்துவைத்தனர்.

*இது தொடர்பாக இளைய கோலப் ஐயர் கால்டுவெல் ஐயருக்கு எழுதியிருப்பதாவது :*

திருநெல்வேலி மிஷனை ரேனியஸ் ஐயர் கனிவாகக் கவனித்து வந்த சமயத்தில் அவருடைய போதகர்கள் அவ்வப்போது எங்களுடைய நாட்டு உபதேசிகளால் உபதேசிக்கப்பட்ட மக்களை அழைத்துச் சென்றுவிடுகின்றனர் என்ற குற்றச்சாட்டு எப்போதாவது கூறப்படுவதுண்டு. ஆனால் , அவர்கள் அப்படிச் செய்வார்களென்று ரேனியஸ் ஐயர் நம்புவதில்லை.

உபதேசியார் தன்னுடையது என்று உரிமை கோரிய ஒரு சபையை சந்திக்க ஏவுதலடைந்து சென்றார்.

ஸ்தலத்திற்குச் சென்று விசாரித்தபோது சபையாருக்கு ஆலோசனை சொல்லி, மிஷனெரிகளின் வழக்கத்தின்படி சிறு ஜெபம் செய்தார்.

~அப்போது கர்த்தருடைய ஜெபம் சொல்லாமல் முடிப்பதே அவர்களுடைய வழக்கமாக இருந்தது.~

ஆனால் ஜெபத்தின் முடிவில் ஆமென் சொல்லி முடித்தவுடனேயே அவர் ஆச்சரியப்படும் விதத்தில் சபையார் அவசரமாக கர்த்தருடைய ஜெபத்தைச் சொல்லிக் கொண்டிருந்தனர்.

இது அந்த சபையார் நாட்டு உபதேசியாரால் உபதேசிக்கப்பட்டவர்கள் என்ற திருப்தியை அவருக்குள் ஏற்படுத்தியது .

உடனே அவர் நாட்டு உபதேசிகளின் பணிகளில் குறுக்கிடக்கூடாது என்று தன்னுடைய ஊழியர்களைக் கண்டித்தார் .

இதனால் இந்த சபை S . P . G . மிஷனிடத்திலேயே வைத்துக்கொள்ளப்பட்டத என்றவாறு எழுதியிருந்தார்.