“ பெரிய டீச்சர் ” என்றழைக்கப்படும் நவமணி அன்னபாய்

*“ பெரிய டீச்சர் ” என்றழைக்கப்படும் நவமணி அன்னபாய் நினைவு தினம்* (ஜூலை 20)

அது ஒரு புல் வீடு . கல்வராயன் மலையில் ஆதிவாசிகள் வசிக்கும் பகுதி .

ஒரு நாள் சில திருடர்கள் அவ்வீட்டிற்குள் புகுந்தனர் .

வீட்டுத் தலைவியின் தாலிச் செயினை அறுத்துக் கொண்டு ஓட்டம் பிடித்தனர் .

அக்கம் பக்கத்தார் செய்தி அறிந்தனர் . விரைந்து வந்தனர் . திருட்டு நடந்ததை எண்ணி வருந்தி நின்றனர் .

வீட்டின் தலைவி சுற்றி நின்றவர்களைப் பார்த்து பின்வருமாறு கூறினார் . “ தாலியைத் தானே திருடிச் சென்றனர் ; அவர்களால் என்னுள் இருக்கும் கிறிஸ்துவைத் திருட முடியவில்லையே ” .

என்னே பதில் இது ! அவ்வம்மையார் யார் தெரியுமா ?

மலைவாழ் மக்களின் அன்னையாய் அறிவூட்டும் நல் ஆசிரியராய் வாழ்ந்து ஆலயங்கள் , பள்ளிகள் , மருத்துவமனைகள் , ஆதரவற்றோர் இல்லங்கள் அமைத்திட்ட எலியாஸ் ஐய்யரின் அருமைத் துணைவி *“ பெரிய டீச்சர் ”* என்றழைக்கப்படும் நவமணி அன்னபாய் என்பவர்களை ஆவார் .

ஒருமுறை , நவமணி அன்னபாய் ஆசிரியர் பிள்ளைகளுக்கு பாடங்கள் சொல்லிக் கொடுக்காமல் கிறிஸ்தவ மத போதனைகளைக் கற்றுக் கொடுக்கிறார் என்று சில சுயநலமிகளால் கல்வி அதிகாரிக்கு புகார் கொடுக்கப்பட்டது .

அதிகாரிகள் அம்மையாரிடம் விசாரித்தனர் .

அம்மையார் அவர்களுக்குத் தகுந்த பதிலைக் கூறினார் .

அதிகாரிகளோ , " நாங்களும் தாவீது , சாலமோன் மற்றும் யோபுவை பற்றியெல்லாம் படித்திருக்கிறோம் .

நல்ல உபதேசம் கற்றுக் கொடுப்பதில் தவறில்லை " என்று கூறிவிட்டு கெம்பீரமாகத் திரும்பி சென்றனர் .

கல்வராயன்மலை மற்றும் சேராப்பட்டு மலைவாழ் மக்களுக்காக தன் வாழ்வை அர்ப்பணித்து 21 ஆண்டுகள் ஆசிரியராக பணியாற்றினார் .

அங்கு பள்ளிக்கூடம் இவராலே ஆரம்பிக்கப்பட்டது .

எதிர்ப்புகள் வந்தபோது ஜெபத்திலேயே அவைகளை வென்றார் .

கல்வராயன் , ஜவ்வாது , கொல்லி மலைகளில் அயராது உழைத்த இவர் , தாம் விரும்பிய படியே அக்கொல்லி மலையிலேயே அம்மக்களுக்காகத் தன் உயிரைக் கொடுத்து அங்கேயே அடக்கம் செய்யப்பட்டார் .