ஜாண் ஹஸ்

*" மறுதலி அல்லது மரித்துவிடு . "*

*சுவிசேஷத்திற்கு சாட்சியாக விளங்கிய ஜாண் ஹஸ்*

சுவிசேஷத்திற்கு சாட்சியாக விளங்கிய ஜாண் ஹஸ்ஸிற்கு ஒரு கட்டளை கொடுக்கப்பட்டது .

*" மறுதலி அல்லது மரித்துவிடு . "* மறுதலித்தல் என்பது என்ன ?

ஆண்டவராகிய இயேசு கிறிஸ்துவின் மீதுள்ள விசுவாசத்தை விட்டு விடவேண்டும் .

இல்லையென்றால் மரண தண்டனை . நீங்கள் இதில் எதனைத் தேர்ந்தெடுப்பீர்கள் ?

ஜாண் ஹஸ் ஒரு வைராக்கியமுள்ள கிறிஸ்தவர் .

மதப்போதகரும் கூட . அந்நாட்களில் கிறிஸ்தவ சபைகளில் முறையான , தெளிவான விசுவாசமுள்ள உபதேசங்கள் இல்லை .

குருமார்களும் , போப்புவும் தங்கள் விருப்பப்படி வேதாகமத்தைத் திரித்தும் , தவறாகவும் பிரசங்கித்தனர் .

பண ஆசை பிடித்தவர்களாகவும் , ஆடம்பரப் பிரியர்களாகவும் அவர்கள் காணப்பட்டனர் .

ஜாண் ஹஸ் இவைகளைக் கடுமையாக எதிர்த்தார் .

கிறிஸ்துவின் மேல் உள்ள பற்றுதலால் பொஹீமியா மொழியில் தெளிவான சத்தியத்தை எடுத்துரைத்தார் .

ஜாண் விக்ளிப்பின் போதனைகளை மிகவும் மதித்து அவைகளை மக்களிடம் துணிவுடன் கூறினார் .

இதனால் எதிராளிகள் இவரைக் கொலைசெய்ய சதித்திட்டம் தீட்டினர் .

போப்பால் கூட்டப்பட்ட விசாரணைக்கு வரும்படி பணிக்கப்பட்டார் .

அவ்விசாரணைக்கு போகும் பாதையில் மறைவான முறையில் தாக்கப்பட்டு சிறையில் தள்ளப்பட்டார் .

முடிவில் விசுவாசத்தில் நிலைத்து நின்றதால் மரணதண்டனை விதிக்கப்பட்டார் .

ஒரு திருமண விருந்துக்குச் செல்வது போல் தன்னை நெருப்புக்கு ஆயத்தம் செய்தார் .

ஒரு மரத்தில் , கை , கால்களைக் கட்டினர் . கழுத்துவரை வைக்கோலும் விறகும் குவிக்கப்பட்டன . நெருப்புத் தழல்கள் உயர்ந்தபோது அதைக் காட்டிலும் மேலாக ஆண்டவரைப் புகழ்ந்து பாட விண்ணகம் ஏகினார் .

கடலில் கரைக்கப்பட்ட அவரது சாம்பல் உலகெங்கும் சென்று சத்தியத்திற்கு சாட்சி பகருகின்றது .